මුන්දලම - සින්නපාඩුව වෙරළට ගොඩ ගසා තිබී ධීවරයෙකුගේ මල සිරුරක් හමුවී ඇති බව මදුරන්කුලිය පොලීසිය කියයි. 22 වැනිදා පෙරවරුවේ සිරුර හමුවී ඇත. හමුවී ඇත්තේ හලාවත වැල්ල කොළණිය පදිංචිව සිටි වර්ණකුලසූරිය නිහාල් රංජිත් ප්‍රනාන්දු :අවු 38 ක් වූ අයෙකුගේ බවට ඔහුගේ ඥාතීන් විසින් හදුනා ගෙන ඇත. ඔහු තිදරු පියෙකි. ඉකුත් 18 වැනිදා සවස හලාවත - වැල්ල ප්‍රදේශයෙන් මුහුදු ගිය යාත්‍රාවක් ගැඹුරු මුහුදේ පෙරළී යාමෙන් අනතුරක් සිදුවී තිබුණි. එම අනතුරින් ධීවරයින් දෙදෙනෙකු අතුරුදහන් වියගහමුවී ඇත්තේ එසේඅතුරුදහන්වූ එක් ධීවරයෙකුගේ සිරුරක් බව හලාවත වැල්ල ධීවර සමිතියේ සභාපති ඇන්ටන් රොශාන්ත මහතා සදහන් කරයි. එම අනතුරුන් අතුරුදහන්වී සිටින හලාවත - වැල්ල කොළණියේ පදිංචිකරුවෙකු වන වර්ණකුලසූරිය ජුඩ් ලක්ෂමන් 34 සිරුර මෙතෙක් හමුවී නැත හෙතෙම පස් දරු පියෙකි.