මේ සඳහා අවශ්‍ය මුදල් සොයා ගැනීම වෙනුවෙන් පසුගිය ජුලි 08 වැනි දින රථවාහන සේදිමේ කටයුත්තක් සිංහ සමාජය එක්ව හෙම්මාතගම නගරයේ සංවිධානය කර තිබු අතර එම වාහාන සෝදා එක්වු මුදල් වලින් සහ සිංහ සමාජයේ සමාජික මුදල් යොදවා මෙම දරුවන් වෙනුවෙන් පාසල් පොත් පෑන් පැන්සල් යනආදිය ගෙනවිත් අද දින බෙදා දීම සිදු විය.

සිංහ සමාජය විසින් මෙම පාසල් තෝරා ගැනීමේ හෙම්මාතගම පල්ලිපොරුව මුස්ලිම් විද්‍යාලය සහ හෙම්මාතගම දේවි බාලිකා මහා විද්‍යාලය තෝරා මෙම කටයුත්ත සිදු කරන ලද්දේ ජාතික සමගියට පවා උදාහරණ සපයමිනි. පල්ලිපොරුව මුස්ලිම් විද්‍යාලයේ විදුහල්පති එම්.එස්.එම්.නිසාම් මහතා අදහස් දක්වමින් පැවසුයේ

පාසලේ අඩු ආදයම්ලාභි දරුවන් විශාල පිරිසක් සිටින අතර එයින් පිරිසක් මෙලෙස තෝරා මෙම සිදු කරන ලද පරිත්‍යාගය ප්‍රදේශයේ පවතින බොහෝ පොදු වැඩ කරන සිංහ සමාජයක් ලෙස අගය කර යුතු බවද පැවසීය. කෑ/මාව දේවි බාලිකා මහා විද්‍යාලයේ විදුහල්පතිනියද පැවසුයේ බොහෝ අපහසුතාවලින් පෙලෙන අඩුආදායම් ලාභි දරුවන් වෙනුවෙන් කරන ලද මෙම සත් ක්‍රීයාව අගය කර යුතු අතර මෙවැනි කටයුතු තව තවත් සිදු කරන්නට වාසනාව සිංහ සමාජයට හැකි වේවායැයිද එතුමිය පැවසීය.

දරුවන් ඉතා සතුටෙන් එම පාසල් උපකරණ ලබා ගත් අතර සිංහ සමාජයේ සභාපති ලේකම්, ඇතුලු සමාජිකයින් ඊට එක් විය.