මහියංගණ මාපාකඩවැව, 17 කණුව ප්‍ර දේශයේදී, ඊයේ 20 දින සවස 5.00 පමණ මහවැලි වියානා ඇළට වැටී අතුරුදහන් වු සරසවි සිසුවියගේ සිරුර අද 21 දින උදෑසන 11.00ට පමණ, ඇය අතුරුදහන්ව පැය 18කට පමණ පසුව, අතුරුදහන් වු ස්ථානකයේ සිට කිලෝමීටර් 4කට පමණ ඇළ පහළින්, දියබානා වැවේ පාවෙමින් තිබියදී හමුවිය. අතුරුදහන් ඇයගේ සිරුර සොයා අද දින මහියංගණ පොලිසිය හා ගම්වාසීන් සිදු කල මෙහෙයුමේදී එලෙස ඇගේ සිරුර සොයාගැනිමට හැකි විය. මියගිය තැනැත්තියගේ පවුලේ ඥාතින් රැසක්ද දියබානා වැව වෙත පැමිණ සිටියේය. මරණය සම්බන්ධයෙන් මහේස්ත්‍රාත් පරික්ෂණය හා මරණ පරික්ෂණය සිදු කිරීමට නියමිතව ඇත. සිද්ධිය සම්බන්ධයෙන් මහියංගණ පොලිසිය විසින් රාජකාරි කටයුතු සිදුකරනු ලබති.