මධ්‍යම පළාතෙන් අරම්භ වන අසුපිණි ඇල්ලේ ජලයෙන් ආරම්භ වි මහ මුහුද දක්වා ගලා ගෙන එන මේ ජලය ආරම්භක ස්ථාන රැසකින් පානීය ජල ව්‍යාපෘති රැසක් ක්‍රීයාත්මක වන අතර කුඩා විදුලි බලාගාර තුනකට පමණ ජලය ලබා ගනී.

ඉතා සංවේදි කදු සහිත සුන්දර පරිසරයකින් ගලා ගෙන පැමිණෙන මෙම ජලයේ ජීවත් වන සතුන් මෙලෙස මිය ඇදිම පානිය ජලය ලබා ගන්නා අයට මෙන්ම දිය නෑම සඳහා පැමිණෙන බොහෝ පිරිසකටද මෙම ජලයේ පවතින තත්වය නිසි පරීක්ෂාවට ලක් කරන තෙක් ගැටලු සහගත තත්වයකි. කෙසේ වෙතත් මේ සම්බන්ධයෙන් අදහස් දැක්වු මා ඔය කුඩා ඔය සුරකිමේ සංවිධානයේ සභාපති ගාමිණි ඇටම්පාල මහතා පවසන්නේ. මා ඔයට දිය නෑමට බොහෝ පිරිසක් පැමිණෙන අතර සමහර පිරිස් මෙහි නැවති උයා පිහා ගෙන දියේ නා සතුටු වි මත්ද්‍රව්‍ය සාද පවා පවත්න අතර සමහර සංචාරකයන් මෙහි මාළු අල්ලා ඒවා උයා පිහා ගෙන කෑම පුරුද්දක් කර ගෙන සිටින නිසා ඔවුන් විසින් යම් රසායින ද්‍රව්‍යයක් ජලය සමග මුසු කිරිමෙන් වු හානියක්ද යන්න සොයා බැලිය යුතු බවයි. තවද තේ වගා කිරීමට මෙන්ම විවිධ ගොවි තැන කරන මධ්‍යම පළාතේ පිරිස් සහ සබරගමු කොටසේ අය විසින් වගාවන් සඳහා යොදා ගත් ද්‍රව්‍යයක් ජලය මුසු විමෙන් සොයා බැලිමට බලධාරීන් අවදානය ඉතා ඉක්මනින් යොමු විය යුතු බව එම සංවිධානය පවසයි.

අරණායක ඇසුපිණී ඇල්ලෙන් ආරම්භ වන මා ඔය අරණායක, මාවනැල්ල, පින්නවල, රඹුක්කන හරහා මහ මුහුද දක්වා ගලා බසින්නේ බොහෝ පානිය ජල අවශ්‍යතාවයන් මෙන්ම සතා සිව්පාවන්ට සෙත සලසමින්ය.

ජායාරූප සහ සටහන මාවනැල්ල සමන් විජය බණ්ඩාර