මියගිය අය අතර වයස අවුරුදු 80 ගණන්වල පසුවන දෙදෙනෙකු ද විය.වාර්තාගත වර්ෂාපතනය හේතුවෙන් දකුණු කොරියානු රජය කාලගුණය ආශ්‍රිත ආපදා අනතුරු ඇඟවීම් ඉහළම මට්ටමට නංවා තිබේ.බටහිර වෙරළ තීරයේ දරුණුතම බලපෑමට ලක් වූ නගරය වන සියෝසන් හි පැය 12ක් තුළ මිලිමීටර් 400 කට වඩා වැසි ඇද හැළුණි. කාලගුණ ඒජන්සිය එය සියවසකට වරක් පමණක් සිදුවන සිදුවීමක් ලෙස සඳහන් කළේය.

ගං ඉවුරු, බෑවුම් සහිත ප්‍රදේශ සහ පහත් බිම් ප්‍රදේශවලින් ඉවත්වන ලෙස එරට බලධාරීන් ජනතාවගෙන් ඉල්ලා සිටින අතර, නායයෑම් සහ හදිසි ගංවතුර අවදානම තවමත් පවතින බවටද අනතුරු අඟවයි.වයඹ දෙසින් එන වියළි වාතය දකුණේ සිට එන උණුසුම් හා තෙතමනය සහිත වාතය සමඟ මිශ්‍ර වී විශාල වැසි වලාකුළු ඇති වන බව දකුණු කොරියාවේ කාලගුණ විද්‍යා පරිපාලනය පවසයි.නමුත් කාලගුණ අනාවැකිකරුවන් අපේක්ෂා කරන්නේ ඉදිරි සතියේ දී තාප තරංගයක් ඇතිවීමේ හැකියාව සමඟ ඉහළ උෂ්ණත්වයක් නැවත පැමිණෙනු ඇති බවයි.