ජපානය යනු ස්වභාවික ආපදා, විශේෂයෙන් භූමි කම්පා සහ නායයෑම් බහුලව සිදුවන රටකි. නමුත් ඔවුන් සතු දියුණු ඉංජිනේරු තාක්ෂණය නිසා එම ආපදා අවම කරගැනීමට ඔවුන් සමත් වී තිබේ.

අද අපි කතා කරන්නේ එවැනි එක් සුවිශේෂී තාක්ෂණයක් ගැනයි. ඒ තමයි Shotcrete Grid Beam System එක. මොකක්ද මේ Shotcrete Grid Beam System එක? සරලවම කිව්වොත් මෙය කඳු බෑවුම් ආරක්ෂා කිරීමට යොදන "කොන්ක් රීට් දැලක්" වැනි ක්‍රමයකි. මෙහිදී සම්පූර්ණ කන්දම කොන්ක්රීට් දමා වැසීමක් සිදු නොකරයි. ඒ වෙනුවට ජාලයක් (Grid) ලෙස කොන්ක්රීට් බාල්ක (Beams) යොදා පස සවිමත් කිරීම සිදු කරයි.

මෙම ක්‍රමයේ ඇති වාසි මොනවාද? සම්ප්‍රදායිකව බැම්මක් බැඳීමට වඩා මෙම ජපන් ක්‍රමවේදය ඉතා සාර්ථක වීමට හේතු කිහිපයක් තිබේ. පසෙහි ස්ථාවරත්වය (Stability) මෙම කොන්ක්රීට් රාමුව මගින් ලිහිල් පස් තද කර තබා ගන්නා අතර, බොහෝ විට මෙහි අත්තිවාරම ගැඹුරු පාෂාණ ස්ථරයටම සම්බන්ධ කරනු ලබයි (Ground Anchors).