හලාවත - බණ්ඩාරවත්ත ප්‍රදේශයේ ආනාරක්ෂිත දුම්රිය හරස් මාර්ගයකදී කුඩා ප්‍රමාණයේ ලොරි රථයක් දුම්රියේ ගැටීමෙන් සිදුවී ඇති අනතුරකින් එක් අයෙකු මිය ගොස් තවත් අයෙකු තුවාල ලබා ඇත.

26 වැනිදා දහවල් 12.00 ට පමණ මෙම අනතුර සිදුවී ඇත.

අනතුරින් මිය ගොස් ඇත්තේ ලුණුවිල - බණ්ඩිරිප්පුව පදිංචිකරුවෙකු වන එල්.ජී.අරුණ ගයන්ත කුමාර (අවු:27) නම් අයෙකි.තුවාල ලබා ඇති හලාවත - අතුවන පදිංචිකරුවෙකු වන එස්.කුමාර ජෝති යන අය ප්‍රතිකාර සදහා හලාවත මහා රෝහලට ඇතුළත් කර ඇත.

කොළඹ සිට හලාවත දක්වා ධාවනය වෙමින් තිබී ඇති බලවේග කට්ටල දුම්රියක කාක්කපල්ලිය - සවරාන දුම්රිය ස්ථාන අතර ඇති අනාරක්ෂිත හරස් මාර්ගයකදී මෙම අනතුර සිදුවී ඇත.ලොරි රථය අපරීක්ෂාකාරී ලෙස දුම්රිය හරස් මාර්ගය හරහා ගමන් කිරීම අනතුරට හේතුව බව පොලීසිය කියයි.අනතුර සිදු වන විට ප්‍රදේශයට වැසි ඇද හැලෙමින් තිබී ඇත.

මිය ගිය අයගේ සිරුර හලාවත මහා රෝහලේ තැම්පත් කර ඇති අතර,පශ්චාත් මරණ පරීක්ෂණය පැවැත්වීමට නියමිතව ඇත.

ජුඩ් සමන්ත