ත්‍රී රෝද රථයක සිමෙන්ති කුඩු ප්‍රවාහනය කරමින් තිබූ ප්‍රයිමෝර් රථයක ගැටීමෙන් සිදුවී ඇති අනතුරකින් එක් පුද්ගලයෙකු මිය ගොස් ඇති බව කොච්චිකඩේ පොලීසිය කියයි.

22 වැනිදා රාත්‍රී 10.00 ට පමණ කොළඹ - හලාවත මාර්ගයේ කොච්චිකඩේ නගරයේදී මෙම අනතුර සිදුවී ඇත.

අනතුරින් මිය ගොස් ඇත්තේ කොච්චිකඩේ - මානාවේරිය පදිංචිකරුවෙකු වන සිවලිංගම් යෝගරාජා (අවු:54) නම් අයෙකි.මිය ගොස් ඇත්තේ ත්‍රී රෝද රථයේ රියදුරු බවට හදුනා ගෙන ඇත.අනතුරට පත් ත්‍රී රෝද රථයේ තවත් පුද්ගලයින් දෙදෙනෙකු ගමන් කර ඇති නමුත් ඔවුන්ට තුවාල සිදුවී නැත.

සිමෙන්ති කුඩු ප්‍රවාහනය කරමින් තිබූ ප්‍රයිමෝර් රථය පුත්තලමේ සිට කොළඹ දක්වා ගමන් කරමින් තිබී ඇත.අතුරු මාර්ගයකින් අධික වේගයෙන් පැමිණ ඇති ත්‍රී රෝද රථය කොච්චිකඩේ නගරයේදී ප්‍රධාන මාර්ගයට අවතීර්ණ කිරීමට උත්සාහ කර ඇත.වේගය පාලනය කර ගැනීමට නොහැකිව මාර්ගයේ ලිස්සා ගොස් ඇති ත්‍රී රෝද රථය පෙරළී ගොස් ධාවනය වෙමින් තිබූ ප්‍රයිමෝර් රථයේ ගැටී ඇත.පෙරළී ගිය ත්‍රී රෝද රථයේ රියදුරු ඉන් විසිවී ගොස් ප්‍රයිමෝර් රථයට යටවීමෙන් එම ස්ථානයේදීම මිය ගොස් ඇත.

අනතුරට සම්බන්ධ ප්‍රයිමෝර් රථය පොලිස් බාරයට ගෙන ඇති අතර,එය පැදවූ රියදුරුව අත්අඩංගුවට ගෙන ඇත.

කොච්චිකඩේ පොලීසියේ රථ වාහන අංශයේ ස්ථානාධිපති පොලිස් පරීක්ෂක අනුරාධ දේශප්‍රිය මහතා ඇතුළු නිලධාරීන් වැඩිදුර විමර්ශණ කර ගෙන යයි.