විවෘත කිරීමෙන් අනතුරුව සිංහල බෞද්ධ ඇතුලු වෙනත් ආගමිකයන්ට පැය 4 ක පමණ කාලයක් පල්ලිය නැරඹිම සහ එහි ආගමික කටයුතු සිදු වෙන අන්දමද දැක බලා ගැනීමටත් ඔවුන්ට ඇති ප්‍රශ්න ගැටලු ආදිය ගැන විමසීමටත් කාලය එහිදි ඔවුන්ට ලැබුණි.

එම අවස්ථාව වෙනුවෙන් ප්‍රදේශයේ මහා සංඝරත්නයටද අවස්ථාව ලබා දී තිබු අතර එහිදි උන්වහන්සේලා පැමිණ එම පූජනීය ස්ථානය නැරඹිට එක් විමෙන් අනතුරු සියලු දෙනා වෙනුවෙන් සංග්‍රයක්ද ඔවුන් විසින් පිළියෙල කර තිබුණේ සිංහල ක්‍රමයට විම විශේෂ කාරණයකි. කිරිබත් කැවුම් කෙසෙල් ඊට එක් කර තිබු අතර මහ සංඝරත්නයද ඒවා අනුබව කිරීමට එක් වු අතර එහිදි පෙතිගම්මන නාගින්දාරාමයේ විහාරාධිපති හිමියන් විසින් පල්ලියේ සිටි මුස්ලිම් ජාතික සහෝදරයෙකුට තමන් අනුභව කරමින් සිටි කිරිබත් කැල්ලෙන් කොටසක් කැවිම කාගෙත් ප්‍රසංසාව හිමි වු කාරණයක් බවට පත් විය.

හෙම්මාතගම නගරයේ කුඩා පල්ලියක් ලෙස මෙය සකස් වි තිබුණේ නගරයේ වෙළෙඳ ව්‍යාපාරිකයන්ට මෙන්ම පිට ප්‍රදේශ වලින් වෙළෙඳාමේ එන වෙළෙදුන්ට වන්දනා කිරීම වෙනුවෙනි. පැවැති අඩුපාඩු හේතුවෙන් පසුගිය වසරේ මෙම පල්ලිය ප්‍රදේශවාසීන්ගේ සහයෝගයෙන් සංවර්ධන කටයුතු සිදු කර අතර ඉන් පසු මෙම විවෘත කිරිම සිදු කරන්නට විය.

වැඩිදුරටත් අදහස් දැක්වු හෙම්මාතගම පල්ලියේ රිල්වාන් මව්ලවිතුමා.</div><div> මුස්ලිම් ජාතිකයන් වන අපිට දවසේ පස් වතාවක් යඥා කරන්නට අවශ්‍යයි. එම යාඥා කිරීමට ව්‍යාපාරිකයන්ට සුදුසු තැනක් ලෙසයි මෙම ස්ථානය සංවර්ධනය කර තිබෙන්නේ. ප්‍රධාන පල්ලිය හෙම්මාතගම පල්ලිපොරුව මහ පල්ලිය අපිට තිබෙනවා.

පල්ලියේ අපි අඩ ගහන්නේ “ අල්ලා හුවක් බර් කියලා ” අපි එතනදි කියන්නේ මේ ලෝකයේ තියෙන හැම දේකටම වඩා අල්ලා දෙවියන් වහන්සේ තමයි අපිට ලොකු කියලා. අපිට අදහන්න ඔබ වහන්සේ මෙතනට පැමිණෙන්න ජයග්‍රහණය ලැබෙන්න මෙතනට එන්න කියලා. තමයි අපි අඩ ගහන්නේ. මෙතනදි අපි විනාඩි 10 ක් 15 විතර යඥාව පවත්වනවා. පල්ලියේ මව්ලවිතුමා තමයි එම යඥාව සිදු කරන්නේ. මව්ලවිතුමාට පිටුපසින් පෙලට අනික් අය ඉන්න ඔනෑ. ඉන් පස්සේ මව්ලවිතුමා අනුගමනය කරලා තමයි හැම දෙයක්ම කර යුත්තේ.

බෞද්ධ අය භාවනා කරනවා වගේ අපි ප්‍රාර්ථනාවන් කරනවා. අපිට එදිනෙදා අවශ්‍ය දේවල් දෙවියන් වහන්සේගෙන් ඉල්ලලා පල්ලියට ආපුවහම වෙනත් දේවල් ගැන ගෙවල් වෙළෙඳ ව්‍යාපාර ගැන නෙවෙයි ආගමික කටයුතු කරන නිදහස් මනසකින් හැම කෙනෙක්ම හිටියොත් පමණයි ඒ පිහිට ලබා ගන්න පුළුවන් කියාල අපි විශ්වාස කරන්නේ.

මොනයම් හෝ හේතුවක් මත අසනීප වේලා හෝ ලෙඩ වේලා රෝහල් ගත වේලා ඉන්නවා නම් හරි වෙනත් කටයුත්තක යෙදි ඉන්නවා නම් ඒ ඉන්න තැන සිට යඥා සිදු කරාට වරදක් නැති බවද පැවසීය.

සටහන සහ ජායාරූප සමන් විජය බණ්ඩාර