පාසලේ ඇති හල්මිල්ල ගස් කීපයක මුලින්ම දක්නට ලැබුණු දළඹු විශේෂය පසුව පාසලේ පන්ති කාමර වලට සහ ඒ අවට පැතිර යාමට පටන් ගෙන ඇත.

පාසලේ විදුහල්පතිනිය විසින් මේ බව පුත්තලම කලාප අධ්‍යාපන අධ්‍යක්ෂකවරයා වෙත දැණුම් දීමට කටයුතු කර ඇත.අනතුරුව කලාප අධ්‍යාපන අධ්‍යක්ෂකවරයාගේ උපදෙස් මත පාසලට ගොස් පරීක්ෂා කර ඇති කොට්ඨාස අධ්‍යාපන අධ්‍යක්ෂිකාව තීරණය කර ඇත්තේ 07 වැනි දින පාසල නොපැවැත්වීමටය.

තුන්වන වාරය සදහා පාසල් නිවාඩු ලබා දීම 07 වැනිදා සිදු කිරීමට නියමිත බැවින් මෙම තත්ත්වය ගැටළුවක් නොවන බවත්,පාසල් නිවාඩු කාලයේදී පවතින තත්ත්වයට විසදුමක් ලබා ගැනීමට කටයුතු කරන බවද කොට්ඨාස අධ්‍යාපන අධ්‍යක්ෂකවරිය වැඩිදුරටත් කියා සිටියාය.

පැතිර යන දළඹු විශේෂය හේතුවෙන් පාසලේ දරුවන්ට කිසිදු ආසාධිත තත්ත්වයක් ඇති වී නොමැති බවද අප කළ විමසුමකදී විදුහල්පතිවරිය කියා සිටියාය.

ජුඩ් සමන්ත හලාවත