ඉලංගෙයි තමිල් අරසු පක්ෂයේ චෙංගලඩි සහ වාලච්චේන ප්‍රාදේශීය සභා සභාපතිවරුන් සහ සභිකයන් අද මඩකලපුව දිස්ත්‍රික් සම්බන්ධීකරණ කමිටු රැස්වීමට කසළ ප්‍රවාහනය කරන ට්‍රැක්ටර දෙකකින් පැමිණ තිබෙනවා. ඒල තමන්ට මෙතෙක් නිල වාහන ලබානොදුන් බව පවසමින්. පරිසර අමාත්‍ය ධම්මික පටබැදි සහ කර්මාන්න අමාත්‍ය සුනිල් හදුන්නෙත්තිගේ සහභාගීත්වයෙන් මඩකලපුව දිස්ත්‍රික් ලේකම් කාර්යාලයේදි පැවති සම්බන්ධීකරණ කමිටු රැස්වීමටයි ඔවුන් මෙලෙස පැමිණ තිබුණේ. මේ සම්බන්ධයෙන් පාර්ලිමේන්තු මන්ත්‍රී ෂානක්කියන් රාසමාණික්කම් සිය ඞ ගිනුමේ සටහනක් තබමින් සඳහන් කළේ වත්මන් ආණ්ඩුව විසින් ඔවුන්ගේ නිල වාහන රාජසන්තක කර වෙන්දේසි කිරීමට සැලසුම් කර ඇති බවයි. කෙසේ වෙතත් නැගෙනහිර පළාතේ ආණ්ඩුකාරවරයා රජයට සැලකිය යුතු පිරිවැයක් දරන සුඛෝපභෝගි වාහනයක් භාවිත කරන බවද එහි සදහන්. මෙම සිද්ධිය සම්බන්ධයෙන් අමාත්‍ය සුනිල් හදුන්නෙත්ති පසුව අදහස් පළ කර තිබුණා.