පොලිස් විශේෂ කාර්යංශයේ වෙන්නප්පුව ඒකකයේ නිලධාරියෙකු විසින් ලබා දී තිබූ තොරතුරක් අනුව ඉකුත් 08 වැනිදා මෙම වැටලීම සිදු කර ඇත.කසිප්පු නිෂ්පාදනාගාරය පවත්වා ගෙන ගිය 49 හැවිරිදි අයෙකුවද පොලීසිය විසින් මෙහිදී අත්අඩංගුවට ගෙන ඇත.මෙම කසිප්පු නිෂ්පාදනාගාරය පවත්වා ගෙන ගොස් ඇත්තේ දංකොටුව පොලීසියට ආසන්නයේ ඇති නිවසක වීම විශේෂත්වයකි.

පොලිස් නිලධාරීන් විසින් වැටලීම සිදු කරන අවස්ථාවේදී නිවසේ හිමිකාර සැකකරු කසිප්පු නිෂ්පාදනය කිරීම සදහා සුදානම් වෙමින් සිට ඇත.එම ස්ථනයේ තිබී කසිප්පු නිෂ්පාදනය සදහා යොදා ගන්නා ගෝඩා අඩංගු ප්ලාස්ටික් සහ යකඩ බැරල් 10 ක්,තඹ දගර 01 ක්,ගෑස් ලිප් 01,ගෑස් ටැංකි 01 ක්ද පොලිස් බාරයට ගෙන ඇත.

අත්අඩංගුවට ගත් සැකකරුද,පොලිස් බාරයට ගෙන ඇති කසිප්පු නිෂ්පාදනයට යොදා ගන්නා උපකරණ මාරවිල මහේස්ත්‍රාත් අධිකරණයට ඉදිරිපත් කිරීමට නියමිතව ඇත.

ජුඩ් සමන්ත