මහේස්ත්‍රාත්වරයා විසින් රක්ෂිත බන්ධනාගාර ගත කර ඇත්තේ වයස අවුරුදු 65 ක් සහ 45 ක් වන ගලේවෙල ප්‍රදේශයේ පදිංචිකරුවන් දෙදෙනෙකුවය.

ඉකුත් 20 වැනිදා ලොරි රථයකින් බීඩි කොළ කිලෝ ග්‍රෑම් 567 ක් ප්‍රවාහනය කරමින් තිබියදී නවගත්තේගම පොලීසියේ නිලධාරීන් විසින් සැකකරුවන්දෙදෙනා අත්අඩංගුවට ගෙන තිබුණි.එම බීඩි කොළ තොගය පොළිතින් මළු 16 ක අසුරා තිබී ඇත. තම බාරයට ගෙන ඇති බීඩි කොළ තොගය රුපියල් ලක්ෂ 25 ක් පමණ වටිනා බව පොලීසිය කියයි.

ඉන්දියාවේ සිට මුහුදු මාර්ගයෙන් මෙරටට ගෙන විත් ඇති බීඩි කොළ තොගය ගල්ගමුව ප්‍රදේශයට ප්‍රවාහනය කරමින් සිටින විට පොලිසිය විසින් තම බාරයට ගෙන තිබුණි.

නවගත්තේගම පොලිස් ස්ථානාධිපති ප්‍රධාන පොලිස් පරීක්ෂක ඉදුනිල් ඒකනායක මහතා ඇතුළු නිලධාරීන් විසින් වැටලීම සිදු කර තිබුණි.

ජුඩ් සමන්ත