පසුගිය වසරේ සැප්තැම්බර් 21වනදා පැවැත්වූ ජනාධිපතිවරණයෙන් ඡන්ද 56 ලක්ෂ 34,915ක් ලබාගනිමින් ජනාධිපතිවරයා එය ජයග්‍රහණය කරා.

ජනාධිපති අනුර කුමාර දිසානායක නව තනතුරේ දිවුරුම් දුන්නේ පසුගිය වසරේ සැප්තැම්බර් 23 වනදායි.

2021 වසරේ දෙසැම්බර් 20 වනදා ජාතික ජන බලවේගයේ නායකත්වයට පත්වන ජනාධිපතිවරයා, ජනාධිපතිවරණයට ඉදිරිපත් වන්නේ එහි අපේක්ෂකයා ලෙසයි.

ගතවූ වසරක කාලය ආදායම් වියදම් පරතරය අඩුවූ කාලයක් වන අතර පළමු මාස 06 තුළ පමණක් රාජ්‍ය ආදායම රුපියල් බිලියන 3221 බව රජය ප්‍රකාශ කරනවා.

සංචාරක ආදායම, විදේශ ආයෝජන, විදේශ විනිමය, අපනයන සහ රේගු අදායම් යන ක්ෂේත්‍රවලද අදාළ කාලයේ ඉහළ යාමක් දක්නට ලැබෙන බව සඳහන්.

රාජ්‍ය ව්‍යාපාර ශක්තිමක් කරමින් නීතියේ ආදිපත්‍ය තහවුරු කිරීමටද කටයුතු කර ඇති අතර, ජාතික ඒකාබන්ධතාව සහ සංහිදියාව ඇති කිරීම සදහා ද වැඩසටහන් රැසක් ක්‍රියාත්මක කළ බව රජය සදහන් කරනවා.

ඒ මත්ද්‍රව්‍ය සහ පාතාලය මැඩලීම ඇතුලු ක්‍රියාකාරකම්වලට අමතරවයි.