මයික්කුලම දුම්රිය හරස් මාර්ගයේ රේල් පීලි වසර කීපයකින්ප්‍රතිසංස්කරණ කර තිබී නැත.එම හේතුව නිසා මෙම දුම්රිය හරස් මාර්ගය ආසන්නයේ ස්ථාන කීපයකින්ම රේල් පීලි පුපුරා ඇති බවටද දුම්රිය සේවකයින් නිරීක්ෂණය කර ඇත.දුම්රිය හරස් මාර්ගය වසා දමන්නේ එම ප්‍රතිසංස්කරන කටයුතු සදහා බවද මාදම්පේ ස්ථීර දුම්රිය මාර්ග පරීක්ෂකවරයා සදහන් කරයි.

ඒ අනුව 20 වැනිදා පෙරවරු 7.00 සිට 21 වැනිදා පෙරවරු 8.00 දක්වා හලාවත - කොළඹ ප්‍රධාන මාර්ගය භාවිතා කරන වාහන විකල්ප මාර්ග භාවිතා කළ යුතු බව පොලීසිය සදහන් කරයි.

එමෙන්ම 20 වැනිදා පෙරවරු 7.00 සිට 21 වැනිදා පෙරවරු 8.00 දක්වා මාදම්පේ - පුත්තලම අතර දුම්රිය ධාවනයද අත්හිටුවීමට නියමිතව ඇත.ඒ අනුව කොළඹ සිට මාදම්පේ දක්වා පමණක් සහ පුත්තලමේ සිට හලාවත දක්වා පමණක් එම කාලය තුළ දුම්රිය ධාවනය සිදු කිරීමට නියමිතය.

ජුඩ් සමන්ත