ආණමඩුව පොලීසිය විසින් ආණමඩුව - පුත්තලම මාර්ගයේ තෝණිගල මංසන්ධියට ආසන්නයෙන් පවත්වා ගෙන යන පොලිස් මුර පොල ආණමඩුව පොලිස් ස්ථානාධිපතිවරයා විසින් 15 වැනිදා සවස හදිසි පරීක්ෂාවකට ලක් කර ඇත.එම පොලිස් මුර පොලේ සේවය කරමින්සිටි පොලිස් සැරයන්වරයා මත්පැන් පානය කර සිටින බවට පොලිස් ස්ථානාධිපතිවරයා විසින්එහිදී නිරීක්ෂණය කර ඇත.

අනතුරුව පොලිස් සැරයන්වරයාව අත්අඩංගුවට ගෙන ඇති ස්ථානාධිපතිවරයා ඔහුව ආණමඩුව දිසා රෝහලේ කාර්ය බාර වෛද්‍යවරයා වෙත යොමු කර ඇත.පොලිස් සැරයන්වරයා මත්පැන් පානය කර ඇති බවද එම පරීක්ෂණයේදී අනාවරණය වී ඇත.

සැකකාර පොලිස් සැරයක්වරයා ආණමඩුව මහේස්ත්‍රාත්වරයා වෙත ඉදිරිපත් කිරීමට නියමිතව ඇත.

ජුඩ් සමන්ත හලාවත