එම ප්‍රදේශ වල පාසල් සිසු සිසුවියන් ප්‍රවාහනය සදහා යොදා ගෙන තිබූ බස් සහ වෑන් රථ 46 ක් මාදම්පේ - මැදගම අභය ආදර්ශ මහා විද්‍යාලීය ක්‍රිඩාංගනය වෙත කැදවා පුත්තලම මෝටර් රථ වාහන දෙපාර්තමේන්තුවේ නිලධාරීන් විසින් පරීක්ෂා කරන ලදි.

මෙහිදී අත් තිරිංග නිසි පරිදි ක්‍රියාත්මක නොවීම,අධික කළු දුම පිට කිරීම,ආසන තුළ වැරදි උපංගා සවි කර තිබීම, හදිසි දොරටුව ක්‍රියාත්මක නොවීම,අනවශ්‍ය පහන් සවි කර තිබීම සහ ශිෂ්ඨ රූප ප්‍රදර්ශණය කර තිබූ වාහන සම්බන්ධයෙන් වැඩි අවධානයක් මෝටර් රථ වාහන පරීක්ෂක තැන විසින් යොමු කරන ලදි. එසේ හදුනා ගත් වැරදි දින 07 ක් තුළ නිවැරදි කර පෙන්වීමටද රථ වාහන පරීක්ෂකවරයා වාහන රියදුරන්ට නියම කරන ලදි.

එමෙන්ම විවිධ රථවාහන වැරදි සම්බන්ධයෙන් රියදුරන් 20 දෙනෙකුට ක්ෂණික දඩ නියම කිරීමටද පොලිස් නිලධාරීන් කටයුතු කර තිබුණි.

හලාවත ජේෂ්ඨ පොලිස් අධිකාරී රොහාන් පෙරේරා මහතාගේ උපදෙස්මත ක්‍රියාත්මක වූ මෙම වැඩ සටහනට පුත්තලම ජේෂ්ඨ රථ වාහන පරීක්ෂක කපිල බෝගහපිටිය මහතා සහ මාදම්පේ පොලීසියේ රථ වාහන අංශයේ ස්ථානාධිපති උප පොලිස් පරීක්ෂක රෙජිනෝල්ඩ් මහතා ඇතළු නිලධාරීන් එක්ව සිටියේය.

ජුඩ් සමන්ත