අමෙ­රිකා ටෙක්සාස් ෆොට්වෝර්ත්හි පැවති අමෙ­රි­කානු ජාතික කරාතේ තර­ගා­ව­ලි­යේදී අවු­රුදු 15න් පහළ කාතා අංශයේ රිදී පද­ක්කම දිනා ගැනී­මට ශ්‍රී ලංකා­වේදී කරාතේ ක්‍රීඩා­වට පිවිසි මන්මිතා සේනාධි ජින­සේන සමත් වූවාය. ඇය මේරි­ලෑන්ඩ් ප්‍රාන්ත කරාතේ දෝ පාසල නියෝ­ජ­නය කර­මින් තර­ගා­ව­ලි­යට එක් වූවාය. පසු­ගිය වසරේ අමෙ­රිකා ජාතික කරාතේ තර­ගා­ව­ලියේ අවු­රුදු 14න් පහළ කාතා අංශයේ රිදී පද­ක්කම දිනා­ගත් අතර, මේ වසරේ මැයි මාසයේ වර්ජ­නියා ප්‍රාන්ත‍යේ පැවැති ‘මිඩ් ඇට්ලා­න්ටික්’ කරාතේ තර­ගා­ව­ලියේ කාතා රන් පද­ක්කම හා කුම්තේ අංශයේ රිදී පද­ක්ක­මක් ද දිනා ගත්තාය. වයස අවු­රුදු හතේදී කරාටේ ක්‍රීඩා­වට පිවිසි ඇය, මේ වන විට අමෙ­රිකා එක්සත් ජන­ප­දයේ උසස් අධ්‍යා­ප­නය ලබන අතර ලබන වසරේ ජාතික තර­ගා­ව­ලියේ රන් පද­ක්ක­මක් දින ගැනීම මීළඟ බලා­පො­රො­ත්තුව වී තිබේ.