මෙහිදී, ආදිවාසී නායක ඌරුවරිගේ තිසාහාමි ඇත්තන්ගේ පිළිරුවට පුෂ්පෝපහාර දැක්වීමටත්, කෞතුකාගාර මැද මිදුලේ සුදු හඳුන් පැළයක් රෝපණය කිරීමටත්, පාරම්පරික දැනුම හා දේශීය සම්පත් උපයෝගී කර ගනිමින් සිදුකරන නව නිෂ්පාදනයක් හඳුන්වාදීමේ අවස්ථාවටත් එක් විය.

ආදිවාසී ප්‍රජාව සතු දැනුම, තාක්ෂණය සහ සංස්කෘතිය මෙරට සමාජ, ආර්ථික, සංස්කෘතික දියුණුව කෙරෙහි සෘජුව දායක කර ගනිමින් සෑම ජන කොටසකම දායකත්වයෙන් ජාතික ආර්ථිකය ගොඩනැංවීමෙහිලා රජයේ වැඩපිළිවෙළ සාක්ෂාත් කර ගැනීමේදී මෙවැනි අවස්ථා ඉතා අගය කොට සලකන බවද එතුමන් පැවසීය.