ඊශ්වර දේවාලයේ පැවති විශේෂ මාධ්‍ය හමුවකදී ප්‍රධාන පුජක වරයා මේ බව කියා සිටියේය.

ඒ අනුව මංගල්‍ය සමය ආරම්භ කරමින් කප් සිටුවීම අගෝස්තු මස 11 වැනිදා දහවල් 10.00 ට සිදු කිරීමට නියමිතව ඇත. එදින සිට සෑම දිනකම පෙරහැර පැවැත්වෙන අතර ගිනි පෑගීමේ උත්සවය සැප්තැම්බර් මස 02 වැනිදා සවස 4.00 ට සිදු කිරීමට නියමිතව ඇත. හලාවත දැදුරුඔයේදී දිය කැපීම සැප්තැම්බර් මස 07 වැනිදා දහවල් 12. 00 ට සිදු කිරීමට නියමිත අතර සැප්තැම්බර් මස 09 වැනිදා සවස 4.00 ට පැවැත්වෙන මංගල උත්සවයෙන් මුන්නේෂ්වරම ඊශ්වර දේවාලයේ මංගල්‍ය සමය නිමාවට පත් වේ.

මංගල්‍ය සමයේදී දේවාල භූමිය සහ අවට පොලිත් සහ ප්ලාස්ටික් භාවිතය අවම කරන ලෙස බැතිමතුන්ගෙන් විශේෂ ඉල්ලීමක් කරන බවද ප්‍රධන පුජකවරයා මෙහිදී කියා සිටියේය.

ඊශ්වර දේවාලයේ මංගල්‍ය සමය තුළ ඒ අවට ඇති සෙසු දේවාල වලද විවිධ මංගල උත්සව පැවැත්වීමට කටයුතු යොදා ඇත.

ජුඩ් සමන්ත හලාවත