මෙරට මුහුදු සීමාව උල්ලංඝනය කරමින් මසුන් මරමින් සිටි ඉන්දීය ධීවරයින් 09 දෙනෙකුව කල්පිටිය නාවුක හමුදා කදවුරේ නිලධාරීන් විසින් අත්අඩංගුවට ගෙන ඇත. ඉකුත් 28 වැනිදා සවස කල්පිටිය - කාරතිව් මුහුදු තීරයේදී මෙම අත්අඩංගුවට ගැනීම සිදු කර ඇත. අත්අඩංගුවට ගෙන ඇති ඉන්දීය ධීවරයින් වයස අවුරුදු 40 - 42 වියේ පසුවන බවත්ලතමන් තමිල්නාඩු ප්‍රාන්තයේ පදිංචිකරුවන් බව ඔවුන් පැවසූ බවද වැටලීම කළ නිලධාරීන් සදහන් කරයිගඑම ධීවරයින් මෙරට මුහුදු සීමාවට පැමිණි බව කියන යාත්‍රාවක් සහ ධීවර ආම්පන්නද නාවුක හමුදා නිලධාරීන් විසින් තම බාරයට ගෙන ගෙන ඇත. අත්අඩංගුවට ගත් ඉන්දීය ධීවරයින් 28 වැනිදා සවස වෛද්‍ය පරීක්ෂණයක් සදහා කල්පිටිය දිසා වෛද්‍ය නිලධාරීවරයා වෙත යොමු කර ඇතගසැකකාර ඉන්දීය ධීවරයින් 09 දෙනා පුත්තලම සහකාර ධීවර අධ්‍යක්ෂක කාර්යාලය වෙත බාර දීමට නියමිතව ඇත.