මෙලෙස අසරණ වු ඔහුන්ගේ ජිවන ගමන් මග සහ සිය බිරිඳ ඔහු වෙනුවෙන් කරන ඇප උපස්ථාන දෙස වරක් බලා සිටින විට අපගේ ඇස් වලට කදුළු එක් වෙන්නේ මේ අග හිගකම් මහත් සේ ඇති මෙම නිවසේ මේ සියලු දෙනා සිදු කරන අරගලය දෙස බලා සිටින විටයි. දැනට රෝගී තත්වයට පත්ව සිටින ඩී.ජී. චාමික සජිත් විජේසිරි සහ ඩී.ඩබ්ලිව් අනෝජා කුමාරි යන දෙදෙනාට දරුවන් සිව් දෙනෙක් වන අතර ඉන් තිදෙනෙක් පිරිමි දරුවන් වන එක් අයෙක් කාන්තා දැරියකි. වැඩිමහල් පුතණුවන්ට වයස අවුරුදු 15 ක් වන අතර දියණියට වයස අවුරුදු 12 කි. බාලම පුතණුවන්ට වයස අවුරුදු දෙක හමාරක් වන අතර අනික් පිරිමි දරුවාට වයස අවුරුදු 04 කි. නිවසේ නිදා ගැනීමට හෝ පාඩම් කිරිමටවත් උපයා පියා ගැනීමටවත් හරි හමන් තැනක් ඔහුට නොමැති බව එහි ගිය අපට දැක ගැනීම හැකි විය. නිවසේ මෙපමණ ලෙස හෝ වැඩ අවසන් කර ගෙන ඇත්තේ ගම්වැසියන්ගේ උපකාරයෙනි. සතියේ දින වලදි නිවසේ සිය ස්වාමියාගේ කටයුතු සිදු කිරීමට ඇති බැවින් තවමත් පෙර පාසල් යෑමට සුදුසුකම් සපුරා නැතත් බාලම දරුවන් දෙදෙනාත් පෙර පාසල වෙත පිටත් කරන්නේ සිය ස්වාමියාගේ කටයුතු සිදු කර ගැනීම වෙනුවෙන්ය. අනෝජා සෑම විවේකයකදිම බීරී ඔතා කියක් හරි උපයා ගන්නට උත්සාහ ගන්නේ මාසිකව විශාල මුදලක් සිය ස්වාමියාගේ බෙහෙත් යනආදිය ලබා ගැනීමට වැඩ වන නිසාය. වතු පිටි අදායම් හෝ වෙනත් අදායම් මාර්ග ඔහුට නැත. සහෝදර සහෝදරියන් සිටියත් ඔවුන්ද කුලි වැඩ කරමින් ජිවිකාව ගෙන යන අය නිසා ඔහුන්ගේ දරුපවුල් ජිවත් කර ගන්නට දරන වෑයම නිසා මේ අය දෙස බැලිමට ඔවුන්ටද වේලාවක් නැත්තේය. අග හිගකම් දැඩිව දැනෙන අවස්ථා වලදි සහ පාසල් යන දරුවන්ට අවශ්‍ය පාසල් උපකරණ පවා ගමේ අය සමහර අවස්ථා වලදි ලබා දෙන අතර ඔවුන්ටද සමහර විට මොවුන්ගේ අසරණ තත්වය ගැන සොයා බැලිමට තරම් වර්තමානයේ ජීවන අරගලයේ පවතින අර්බුද හමුවේ බැරිව යන අවස්ථා අනන්තය. සමහර විටක කුසගින්නේ සිටින වාර අනන්තය. එමෙන්ම රජයෙන් ලැබෙන සමහර දිමනා ලැබුණත් ඒවාද මේ සියලු කටයුතු කර ගැනීමට තරම් සහයෝගයක් එයින් නොලැබේ. සියලු දෙනා බොහෝ අවස්ථා වලදි පසුවෙන්නේ දුක් මුසු ලිලාවෙනි.